Visi Perezida wa Maldives ari mu buroko

Uwufise ububasha kw’isanamu AFP
Image caption Visi Perezida Ahmed Adeeb afungiye muri gereza iri ku cyirwa muri Maldives

Visi perezida, Ahmed Adheeb, yatawe muri yombi kubera gushinjwa kugira aho ahuriye n'umugambi wo kwivugana Perezida Abdulla Yemeen.

Yasimbutse urupfu mu kwezi gushize igihe ubwato yari arimo bwaterwaga ikibombe.

Hari umutegetsi wavuze ko Bwana Adheeb yashinjwe ubugambanyi bwo ku rwego rwo hejuru kandi ko afungiye muri gereza iri ku cyirwa.

Mu myaka ya vuba ishize, Maldives yashegejwe n'impagarara za politike. Bwana Adheeb yari amaze amezi atatu gusa ari visi perezida.

Yagiye ku butegetsi nyuma y'uko uwari visi perezida yirukanwe, nawe arezwe ibyaha by'ubugambanyi.