Fabregas arahakana kwigaragambya

Fabregas yaje muri Chelsea avuye muri Barcelona muri 2014. Uwufise ububasha kw’isanamu EPA
Image caption Fabregas yaje muri Chelsea avuye muri Barcelona muri 2014

Umukinnyi wo hagati wa Chelsea, Cesc Fabregas, arahakana amakuru avuga ko ayoboye imyigaragambyo itagaragara hanze yamagana umutoza Jose Mourinho.

Urubuga rwitwa 'Secret Footballer' ruvuga ko ayoboye imyigaragambyo mito mu bakinnyi ba Chelsea.

Chelsea ubungubu iri ku mwanya 15 ku rutonde rwa shampiyona y'umupira w'amaguru mu Bwongereza. Imaze gutsindwa imikino 6 kuri 11 imaze gukina kuva shampiyona y'uyu mwaka yatangira.

Chelsea kandi ni iya gatatu mu itsinda irimo muri irushanwa ry'igikombe cy'Uburayi - Champions League.

Izahura na Dynamo Kiev kuri uyu wa gatatu.

Fabregas yavuze ko ayo makuru atari yo.

Aremeza ko yishimye muri Chelsea kandi ko afitanye umubano mwiza n'umutoza Jose Mourinho.

Yongeyeho ko ikipe ye izongera igatsinda ikazamuka mu manota.

Fabregas yavuze ko ibyo by'imyigaragambyo bivugwa n'abandi bake bari hanze y'ikipe badashaka kuyitesha umutwe.

Fabregas - winjiye muri Chelsea muri 2014 avuye muri Barcelona - yasimbuye mu kibuga igice cya mbere kirangiye mu mukino wahuje Chelsea na West Ham.

Naho mu mukino wabahuje na Liverpool yinjiye mu kibuga asimbura hasigaye iminota 20 ngo umukino urangire.