Myanmar: Perezida yacyeje ishyaka rya Suu Kyi

NLD ryatsinze amatora Uwufise ububasha kw’isanamu AP
Image caption NLD ryatsinze amatora

Perezida wa Myanmar,Thein Sein, yacyeje ishyaka ritavuga rumwe na leta rya Aung Suu Kyi ku ntsinzi yaryo.

Ibyo byatangajwe n’umuvugizi wa perezida kuri BBC. Ku myanya 40% y’intebe ziri mu nteko, ishyaka riharanira demokarasi mu gihugu (National League for Democracy), NLD ryafashe hafi 90% by’amajwi amaze kubarurwa.

Madamu Suu Kyi yandikiye ubutegetsi abusaba ibiganiro ku bwiyunge bw’igihugu. Ariko umuvugizi U Ye Htut yavuze ko iyo nama ishobora kuba nyuma y’itangazwa ry’amajwi ya nyuma.

Yatsindagiye ko nta mugambi wo kugerageza gucyerereza itangazwa ry’amajwi yavuye mu matora yo ku Cyumweru.

Abanyamakuru baravuga ko Madamu Suu Kyi ari gucisha macye n’ubwo akomeje kugira itsinzi ikomeye.

Ishyaya NLD ryatsinze amatora mu mwaka wa 1990 ariko amajwi agirwa impfabusa ndetse Madamu Suu Kyi ashyirwa mu buroko burebure bwo mu rugo.

Ishyaka riri ku butegetsi rishyigikiwe n’abasirikare USDP ryatsinze amatora aheruka, ryanenze bikomeye amatora mu myaka itanu ishize, ryatsindiye 5% by’amajwi ku myanya iri gupiganirwa. Kimwe cya kane cy’intebe kigenewe abasirikare.