Jihad John ngo yaba yishwe

Jihadi John yakunze kuboneka mu mavideo y'ingwate zikatwa amajosi. Uwufise ububasha kw’isanamu AP
Image caption Jihadi John yakunze kuboneka mu mavideo y'ingwate zikatwa amajosi.

Leta zunze ubumwe za Amerika ziravuga ko zagabye igitero cy'indege ziguruka zitarimo umupilote kibasiye intagondwa yo mu mutwe wa Leta ya Kiyislamu uzwi ku izina rya Jihadi John.

Uyu mugabo yagiye aboneka mu mashusho ya video yerekana abantu bakomoka mu Burayi na Amerika bafashweho ingwate bakatwa amajosi.

Umwe mu bakuru mu ngabo za Amerika yabwiye BBC ko bishoboka cyane ko uyu mugabo ufite ubwenegihugu bw'Ubwongereza witwa Mohammed Emwazi yishwe.

Icyo gitero kibasiye imodoka kuwa kane nijoro hafi y'umujyi wa Raqqa muri Syria.

Umunyamakuru wa BBC uri i Washington aravuga ko urupfu rwa Jihadi John ruramutse rwemejwe, umutwe wa IS waba uhatakarije cyane kubera ko yari ayoboye gahunda y'icengezamatwara yerekeranye n'intambara muri uwo mutwe.