Ingabo z'aba Kurude zafashe umujyi wa Sinjar

Uwufise ububasha kw’isanamu Reuters
Image caption Ingabo z'aba Kurude zishimiye intsinzi mu mujyi wa Sinjar muri Iraki

Umuyobozi w'agace k'aba Kurude mu majyaruguru ya Iraki aravuga ko ingabo ze zafashe umujyi ukomeye wa Sinjar, ziwukuye mu maboko y'abarwanyi ba Islamic State.

Massoud Barzani yavuze ko ifatwa ry'umujyi rigira ingaruka zikomeye ku migambi yo gukomeza berekeza I Mosul, umujyi munini ugenzurwa na IS mu majyaruguru ya Iraki.

Umunyamakuru wa BBC washoboye kugera I Sinjar, yavuze ko nta kanunu k'abarwanyi ba Islamic State, basa n'abahungiye mu majyepfo nyuma yo kubona ko bagoswe.

Umunyamakuru wacu aravuga ko inzu nyinshi zasenywe mu gihe cy'imirwano ndetse hari n'ibisasu bya mine bigitezwe mu bisigazwa by'inzu zasenyutse.