Aung San Suu Kyi yatsinze amatora

Uwufise ububasha kw’isanamu EPA

Ishyaka rya National League for Democracy riyobowe na Aung San Suu Kyi ryatsinze amatora y'abadepite muri Myanmar.

Aya niyo matora ya mbere adaheza kandi atarangwa n'uburiganya akoreshejwe muri icyo gihugu mu myaka 25 ishize.

Hatangajwe ko iryo shyaka ryegukanye intebe zihagije mu nteko nshingamategeko kugirango ribashe gushyiraho leta n'umukuru w'igihugu mushya.

Aya matora yagombye kurangiza ubutegetsi bwa gisirikare bumaze imyaka irenga 50 muri icyo gihugu.

Ishyaka rya National League for Democracy rya Aung San Suu Kyi ryabashije kubona ubwiganze mu nteko nshingamategeko nubwo bwose 25 ku ijana by'intebe zigize inteko zigenewe igisirikare.

Aung San Suu Kyi itegeko nshinga ntirimwemerera kuba perezida.

Yamaze imyaka 15 afungishije ijisho nyuma yaho igisirikare kiburijemo intsinzi ye mu matora yo muri 1990.