Isi iri ku ndunduro y'imiti ya antibiyotike

Uwufise ububasha kw’isanamu Thinks tock

Isi iri ku nduduro y’igihe cy’imiti yitwa antibiyotike (“anti-biotics”), iyo ni impuruza yatanzwe n’abahanga muri siyansi nyuma yo kuvumbura udukoko twanduza tudahangarwa n’imiti ikoreshwa igihe ubundu buvuzi bwananiranye.

Icyegeranyo cyasohotse mu igazeti yandika amakuru y’ubuzima, The Lancet, cyerekana agakoko gahangara imiti ya kolistini (colistin) mu barwayi ndetse no mu matungo mu Bushinwa.

Bavuze ko izo mbaraga z’utwo dukoko zizakwira no ku isi hose kandi twateye ubwandu butavurwa.

Abahanga bavuze ko ubu bushakashatsi bucyeneye gukangura isi.

Agakoko gatera ubwandu kananiranye kuvurwa na antibiyotike, bibonwa nk’iherezo rya antibiyotieke, bishobora gusubiza inyuma iterambere ry’ubuvuzi.

Ubwandu bumenyerewe cyane bwakongera kwica abantu, mu gihe kubaga abarwayi ndetse na kanseri bisanzwe byishingikiriza antibiyotike, byaba biri mu kaga.