Diendere arashinjwa mu iyicwa rya Sankara

Uwufise ububasha kw’isanamu AFP

Jenerali Gilbert Diendere wahiritse ubutegetsi igihe gito mu kwezi kwa cyenda muri uno mwaka muri Burkina Faso yashinjwe icyaha cy'ubufatanyacyaha mu iyicwa rya Thomas Sankara wari umukuru w'igihugu.

Jenerali Diendere niwe mutegetsi wo hejuru wa mbere ushinjwe kugira uruhare mu iyicwa rya Sankara.

Sankara yishwe muri 1987 n'igisirikare ariko uburyo yapfuyemo bwakomeje kuba amayobera.

Sankara - wafatwaga nka " Che Guevara wa Afurika" - aracyakunzwe cyane muri Afurika.

Image caption Uburyo Sankara yishwemo bwakomeje kuba amayobera.

Amaze kwicwa ubutegetsi bwafashwe na Blaise Compaore wabugumanye mu gihe cy'imyaka 27.

Jenerali Diendere - waje kuba umuyobozi w'urwego rushinzwe iperereza ku butegetsi bwe - yafatwaga nk'inshuti ya hafi ya Sankara.

Yakunze kuvuga ko nta ruhare yigeze agira mu rupfu rwa Sankara, akavuga ko ibyabaye bizwi kandi ko nta kintu afite cyo guhisha kuri byo.

Ku butegetsi bwa Compaore, iperereza ku rupfu rwa Sankara ryagiye rigenda gahoro cyane.