Uko abahanzi babona Afurika binyuze mu bihangano

Imurika ry'ibihangano ribera mu nzu ndangamurage ya Guggenheim mu mujyi wa Bilbao mu majyaruguru ya Espagne rigamije kwerekana uko urubyiruko rw'abanyafurika rwerekana isura nshya ya Afurika.

Iri murika - Making Africa - ribonekamo ibihangano by'abahanzi 120.

Uwufise ububasha kw’isanamu Omar Victor Diop
Image caption Ibihangano bya Omar Victor Diop ukora akazi ko gufotora byibanda ku bantu bagaragara cyane mu rwego rw'umuco muri Senegali. Kuri iyi foto haragaragara umuhanzi Mame-Diarra.
Uwufise ububasha kw’isanamu Mario Macilau
Image caption Umunyamozambike ufotora Mario Macilau agamije kwerekana isura y’urubyiruko rukunda ibigezweho mu murwa mukuru Maputo.
Uwufise ububasha kw’isanamu AFP
Image caption Umuhanzi w'umunyakenya Cyrus Kabiru we ibihangano bye abikora mu bintu abantu bagiye bajugunya. Yakoze ibihangano by'indorerwamo z'amaso agamije kuvuguruza ukuntu tubona ibintu - agendeye cyane ku kuntu Afurika akenshi abantu bayibona nabi.
Uwufise ububasha kw’isanamu Bodys Isek Kingelez
Image caption Bodys Isek Kingelez we agamije kwerekana ukuntu inyubakwa zo mu gihe kiri imbere zizaba zimeze. Ngo zizaba zubatse mu buryo butandukanye n'ukuntu imijyi yo mu Burayi imeze. Iki gishushanyo mbonera yise "Inyenyeri itukura ya Congo" cyerekana amahame ye y'ubusosiyalisiti. Avuga kandi ko ashaka ko habaho isi nshya ifite imijyi "yuzuye amahoro, ubutabera, n'ukwishyira ukizana".
Uwufise ububasha kw’isanamu Ojeikere Estate
Image caption Amafoto y'umunyanijeriya JD Okhai Ojeikere yerekana uburyo bushya abagore basokoza. Agamije kwerekana kwesa imihigo y'imideri yo gusokoza ndetse no kwagura ubwiza bwayo..
Uwufise ububasha kw’isanamu PierreChristophe Gam
Image caption Pierre-Christophe Gam yashingiye umuririmbyi Taali M urubuga rwa interineti. Avuga ko yashakaga gukoresha urwo rubuga kugira ngo abarusura babone uko ubwami bumwe bwa kera bwo muri Afurika bwari bumeze babisobanuriwe n'uwo muririmbyi w'umufaransa ufite inkomoko muri Congo, Chad na Misiri.
Uwufise ububasha kw’isanamu Wangechi Mutu
Image caption Sinema ngufi - The End of Eating Everything - y'umunyakenya Wangechi Mutu inenga cyane isi tubamo yaganjwe n'ubucuruzi. Umuririmbyi Santigold uyikinamo aboneka arya inyoni nyinshi maze mu nyuma zitamuturikiramo akabyara imitwe myinshyi cyane y'igitsina gore.
Uwufise ububasha kw’isanamu Malick Sidibe
Image caption Amafoto ya Malick Sidibe yafashwe mu myaka ya 1960 yerekana umwuka w'ubwigenge wari uriho icyo gihe abahanzi b'iki gihe bagerageza kongera kwerekana. Iyi foto yafashwe muri 1963 yerekana abashakanye bakiri bato bavuga icyo bashaka n'uko bumva bameze.
Uwufise ububasha kw’isanamu Adjaye Associates
Image caption Inzobere mu bwubatsi David Adjaye yasabwe gukora igishushanyo mbonera cy'ahantu hari urujya n'uruza rw'abantu hahagarara gari ya moshi mu mujyi wa Johannesbourg muri Afurika yepfo.