Icyegeranyo cy'amatora mu Burundi

Image caption Akanama gashinzwe amatora katanze icyegeranyo cy'uko yagenze mu nama nshingamateka

Komisiyo y’igihugu itegura amatora mu Burundi, CENI, kuri uyu wa Kabiri iratangaza icyegeranyo rusange cy’amatora ya 2015 mu nteko ishinga amategeko.

Byitezwe ko perezida Pierre Nkurunziza ubwe, ari bujye mu nteko ishinga amategeko.

Uretse abadepite, mu bari mu ngoro y'amakoraniro mu Kigobe hari abaminisitiri, bamwe mu bahagarariye ibihugu byabo mu Burundi, abahagarariye amadini n’abayobozi mu nzego z'umutekano.

Bwana Nkurunziza yatsinze amatora y'umukuru w'igihugu yo mu kwezi kwa KArindwi yakuruye impaka n’impagarara nyuma yo kwiyamamaza ku nshuro ya gatatu.

Abatavuga rumwe n’ubutegetsi bavuga ko binyuranye n’itegekonshinga.

Imvururu za politike zatewe n’icyemezo cya Bwana Nkurunziza, zateye Abarundi babarirwa mu bihumbi bahungira mu bihugu by’ibituranyi birimo u Rwanda aho Ishami ry’Umuryango w’Abibumbye ryita ku mpunzi, HCR, rivuga ko hari abarenga 75.000.

Ibindi kuri iyi nkuru