Maroc yafashwe ukekwaho iterabwoba

Image caption Ibitero by' i Paris byahitanye abantu bagera kuri 130.

Maroc yatangaje ko yataye muri yombi umugabo ukomoka muri icyo gihugu ukorana bya hafi n'intagondwa zagabye ibitero by'iterabwoba by'i Paris.

Minisiteri y'ubutegetsi bw'igihugu iravuga ko uwo mugabo, izina rye ritatangajwe, yafatiwe hafi y'umujyi wa Casablanca kuwa gatanu.

Yakoze urugendo ava muri Syria yerekeza muri Maroc anyuze muri Turikiya, Ubudage, Ububirigi n'Ubuholandi.

Bavuga ko yarwanye muri Syria n'imitwe y'intagondwa zirwana intambara ntagatifu ya Jihad harimo n'umutwe wiyita Leta ya Kiyisilamu.

Abantu 130 baguye mu bitero by'iterabwoba byagabwe mu mujyi wa Paris ku itariki ya 13 z'ukwezi ka cumi na rimwe mu mwaka ushize.