Sudani Y'Epfo: Iburizwamo rya guverinoma y'ubumwe

Uwufise ububasha kw’isanamu Reuters

Sudani y’Amajyepfo yarenze ku munsi ntarengwa wo gushyiraho guverinoama y’agateganyo nyuma y’uko perezida yongereye umubare w’intara zikava ku 10 ziba 28.

Umugambi wa guverinoma y’ubumwe wari umwe mu bikubiye mu masezerano y’amahoro mu kwezi kwa munani yari agamije kurangiza intambara y’umwiryane yatangiye muri 2013 igihe perezida Salva Kiir yashinjaga uwari umwungirije, Riek Machar, gutegura ihirika ry’ubutegetsi.

Uwufise ububasha kw’isanamu Reuters
Image caption Salva Kiir na Riek Machar bashinjanya kurenga ku masezerano y'amahoro.

Impande zombie zishinjanya kurenga ku masezerano y’amahoro.

Abantu babarirwa mu bihumbi barishwe abandi bari mu mamiliyoni bakurwa mu byabo kuva muri 2013.

Mu gihe abahagarariye inyeshyamba bageraga mu murwa mukuru Juba, gutangira akazi ko gushyiraho guverinoma nshya, Perezida Kiir, wavuze ko ”yari yifashe” ku bikubiye mu masezerano y’amahoro yo mu kwa munani, yashyizeho abaguverineri 28 bashya bagiye gutegeka intara nshya.