Iran: Irani igiye kugura indege za Boeing

Uwufise ububasha kw’isanamu Getty
Image caption Boeing ni rumwe mu nganda zishobora kungukira mu ikurirwaho ry'ibihano kuri Irani

Irani irashaka kugura indege za kompanyi yo muri Amerika, Boeing, mu kugerageza kuzahura ubushobozi bwayo bw’indege nyuma yo gukurirwaho ibihano na LONI.

Minisitiri wungirije wo gutwara abantu n’ibintu, Fakhrieh Kashan, yavuze ko Tehran ifite ubushake bwo kugura indege 100 zo mu bwoko bwa Boeing.

Ibihano by’Umuryango w’Abibumbye byakuweho mu cyumweru gishize, byemereye kompanyi ya Airbus yo mu Bufaransa, kugira amasezerano yo kugurisha indege 114 kuri Irani.

Minisitiri wungirije wo gutwara abantu n'ibintu, Abbas Akhundi, avuga ko amasezerano azashyirwaho umukono mu rugendo rwa Hassan Rouhani i Paris ku wa Gatatu.

Ibihano bya Leta Zunze Ubumwe za Amerika mu rwego rw’ubucuruzi biracyariho, ariko Boeing ishobora gusaba uruhushya rwihariye.

Cyakora mu cyumweru gishize, Boeing yavuze ko hakiri “intambwe nyinshi” mbere yo gufata icyemezo cyo kugurisha indege kuri Irani.

Ubu Irani yemerewe kuzahura ubushobozzi bwayo bw’indege ziri gusaza kubera gukurirwaho ibihano mpuzamahanga, yafatiwe kubera gahunda yayo y’ingufu za nuclear.

Abategetsi bo mu Burayi n’abo muri Irani bagereranya ko igihugu kizacyenera nibura indege 400 mu gihe cy’imyaka 10 iri imbere.