Rwanda: Igitero ku musozi wa Ndera

rwanda attack
Image caption Umwe mu bakomeretse bariko baravurirwa mu bitaro vy'i Ndera

Abantu icenda bakomerekejwe n’abantu bataramenyekana, mw’ijoro ryakeye, ku musozi wa Ndera, mu karere ka Gasabo, mu gihugu c'Urwanda.

Abantu bitwaje intwaro za gakondo baraye bagabye igitero mu duce dutandukanye tw'Umurenge wa Ndera mu nkengero z'umujyi wa Kigali bakomeretsa abaturage bikomeye ariko nta makuru y'uwaba yahitanywe n'iki gitero yari yashyirwa ahagaragara.

Mu gihe abaturage bigaragara ko bakutse umutima ,inzego z'umutekano zo zivuga ko bashobora kuba ari abajura ubundi zikavuga abagizi ba nabi.

Mu nama z'igitaraganya zabaye uyu munsi mu gitondo byavuzwe ko abakoze ibi bagiye guhigwa kugeza bafashwe.

Image caption Abaturage ba Ndera bahamagawe mu nama nyuma y'igitero cabaye mw'ijoro ryakeye.

Umwe mu bashinzwe akazi ko kurara irondo, ngo yaratemaguwe agerageza gutabara abaturage bahuruzaga nyuma yo kugabwaho igitero, nk' uko abo mu muryango wiwe babitangarije BBC.

Ukurikije ibivugwa n'abaturage, iki gitero cyari gikaze kandi ngo cyahungabanije abatari bakeya.

Uretse abaturage iki kibazo, gishobora kuba cyanafashwe nk'ikiremereye n'inzego z'umutekano.

Abaturage bahise bahamagazwa mu nama z'umutekano z'igitaraganya zabereye ahantu hatandukanye.

Ku ruhande rw'igipolisi uhagarariye aka gace Elias Mwesigye yavuze ko abateye ari ibisambo bigomba guhashywa cyakora asaba abaturage kudakurwa umutima n'ibyarye bibaye.

Kugeza ubu ngo hamaze gutabwa muri yombi abagera kuri 15 bakekwa kugira uruhare muri iki gitero nubwo bataragajwe mu ruhame.

Mu mukwabu wakurikiye ibyabaye kandi, igipolisi cyavuze ko cyataye muri yombi abantu bagera kuri 40 badafite ibibaranga kandi polisi ikavuga ko guhisha umwirondoro ari amwe mu mayeri ashobora gukoreshwa n'umugizi wa nabi.

Uyu munsi mu gitondo imirimo yose yari yahagaze mu gace k'ubucuruzi ka Ndera, aho abaturage bose bagomba kwitabira inama zitandukanye z'umutekano z'igitaraganya.