Assange 'yakiriye neza' icyemezo cya ONU

Uwufise ububasha kw’isanamu AFP

Leta y'Ubwongereza iravuga ko idashobora kwemera ibyatangajwe n'akanama ka ONU gashinzwe uburenganzira bw'ikiremwantu kemeje ko Julian Assange - washinze urubuga rwa Wikileaks rumenerwaho amabanga y'ibihugu bikomeye ku isi - Ubwongereza na Swede bimufunze mu buryo butemewe n'amategeko guhera muri 2010.

Ako kanama kavuga ko ibyo bihugu byagombye kumureka akidegembya kandi bikanamuha n'impozamarira.

Julian Assange yavuze ko yakiriye neza icyo cyemezo cya ONU avuga ko kuri we ari intsinzi kandi ko cyatumye yongera kumwenyura.

Ari muri ambasade y'igihugu cya Equateur mu mujyi wa Londres aho yahungiye kuva muri 2012 kugirango Ubwongereza butamwoherereza ubucamanza bwo mu gihugu cya Swede bumushinja ibyaha byo gufata abagore ku ngufu, icyaha ahakana.