Hissene Habre yasabiwe gufungwa burundu

Uwufise ububasha kw’isanamu
Image caption Hissene Habre

Ubushinjacyaha bwasabiye uwahoze ari perezida wa Chad, Hissene Habre,uregwa ibyaha byibasira inyokomuntu, gufungwa burundu.

Mu masaha 3 yamaze asoza, umushinjacyaha mu rubanza rubera muri Senegal, yavuze ko hari ibimenyetso bihagije byemeza ko ubutegetsi bw'igitugu bwa Habre, bwamaze imyaka 8, bwahitanye ibihumbi by'abanyapolitiki batavuga rumwe nabwo.

Hissene Habre yahungiye muri Senegal amaze guhirikwa k'ubutegetsi muri 1990.

Bubaye ubwa mbere urukiko rwo mu kindi gihugu ruburanisha uwahoze ategeka ikindi gihugu ashinjwa ibyaha byibasira inyokomuntu.

Abagize umurwi w'abunganira Habre, bashyizweho n'urukiko, bazatangira kumuburanira kuwakane.