Urukiko rwahagaritse umugambi wa Obama w'ingufu zidahumanya ikirere

Uwufise ububasha kw’isanamu AP

Imigambi ya perezida Barack Obama yo kugenzura uburyo butanga ingufu ariko bw’ibyuka bihumanya ikirere, yahagaritswe n’Urukiko rw’Ikirenga muri Amerika.

Urukiko rwafashe icyemezo ko umugambi wa perezida Obama wo gukoresha uburyo butanga ingufu kandi busukuye budahumanya ikirere yise (Clean Power Plan) udashobora gushyirwa mu bikorwa mbere y’uko impande zose zijyanye n’amategeko zisuzumwa.

Umugambi ugamije kugabanya ibyuka bihumanya ikirere muri Leta Zunze Ubumwe za Amerika ku kigero cya 32% mu mwaka wa 2030, wibanda ku gushaka ingufu mu buryo budahumanya ikirere.

Uwo mugambi unafite ingingo ikomeye ku masezerano Amerika yagiriye mu rwego rw’Umuryango w’Abibumbye mu biganiro byabereye i Paris mu kwezi kwa Cumi na kabiri 2015.