Abasirikare batanu ba LONI biciwe muri Mali

Uwufise ububasha kw’isanamu AP
Image caption Abasirikare 10.000 baturuka mu bihugu bitandukanye bari mu butumwa bw'amahoro muri Mali.

Abasirikare batanu b’umuryango w’Abibumbye biciwe mu gitero cyagabwe ku birindiro byabo mu gace ka Kidal mu majyaruguru ya Mali.

Abandi 30 bakomeretse igige abarwanyi bakoreshaga imodoga ipakiye ibisasu binjira mu birindiro bya Kidal, mbere yo gutera bakoresheje imbunda ziremereye. Umutwe w’aba jihadi witwa Ansar Dine muri Mali wavuze ko ari wo wagabye igitero.

Umunyamabanga mukuru wa LONI Bani Ki-Moon yamaganye iki gitero, kibaye kibi cyane ku ngabo za LONI mu butumwa bw’amahoro muri Mali. Umuryango w’Abibumbye uri kugerageza kugarura amahoro mu gace k’amajyaruguru kari kayobowe n’imitwe y’abarwanyi b’abajihadi ndetse n’abo mu bwoko bwa Tuareg muri 2012.

Abarwanyi bafitanye isano na a-Qaeda bashwanye n’aba Tuareg batsimbuwe mu mijyi y’amajyaruguru n’ingabo ziyobowe n’Ubufaransa mu mwaka wa 2013.