Besigye yatawe muri yombi na polisi muri Uganda

Ntibishobora gukina mu cuma cawe

Umwe mu bagabo batavuga rumwe na leta, Kizza Besigye, wiyamamaza mu matora y’umukuru w’igihugu muri Uganda yatawe muri yombi.

Bwana Besigye yatawe muri yombi inshuro zigera kuri ebyiri mbere y’amatora ateganyijwe kuba ku wa Kane.

Polisi ivuga ko yamufunze kubera ko yanze kubahiriza amabwiriza yo kudahungabanya umutekano wo mu muhanda.

Umuvugizi wa polisi muri Uganda, Fred Enanga, yavuze ko nta batawe muri yombi.

Uwufise ububasha kw’isanamu AP
Image caption Bwana Besigye (hagati) yajyanywe n'abapolisi bahashya imvururu igihe yari mu nzira ajya mu bikorwa byo kwiyamamaza i Kampala

Abatangabuhamya babibonye bavuga ko umuntu umwe yapfiriye mu mvururu. Ariko ibi ntibyemejwe n’abategetsi.

Umuryango utabara imbabare wa Croix Rouge muri Uganda uvuga ko wohereje inkomere zigera kuri 11 mu bitaro.

Yaje gufungurwa nyuma y’amasaha abiri. Ibihumbi by’abantu bamushyigikiye bakurikiye imodoka yari imutwaye mu murwa mukuru Kampala aho yatangiriraga ibikorwa byo kwiyamamaza.

Uwufise ububasha kw’isanamu AP
Image caption Polisi ivuga ko yajyanye Besigye kuri sitasiyo ya polisi kuko yabangamiraga umutekano wo mu muhanda.

Umunyamakuru wacu avuga ko mbere gato y’uko atabwa muri yombi, imodoka ye yari iherekejwe n’abamushyigikiye muri umwe mu mihanda minini i Kampala.

Polisi yamishe ibyuka biryani mu maso kugira ngo itatanye abantu.

Dr Beigye ni umwe mu bantu bahanganye na perezida Yoweri Museveni biyamamaza mu matora ateganyijwe muri iki cyumweru.

Umunyamakuru wacu, Ignatius Bahizi uri i Kampala avuga ko Bwana Besigye yaje gukomeza ibikorwa bye byo kwiyamamaza mbere y'umunsi w'amatora nyirizina.

Ntibishobora gukina mu cuma cawe

Kimwe mu bibazo bikomeye ni ukumenya niba azashobora kuba mu ituze n’umutekano.

Bwana Museveni w’imyaka 71, amaze imyaka 30 ku butegetsi.

Image caption Abayoboke b'umugambwe wa FDC urongowe na Kizza Besigye

Besigye yatsinzwe amatora inshuro eshatu ziheruka. Bwana Besigye yigeze kuba umuganga bwite wa perezida Museveni ariko baje gushwana ahinduka umwe mu bantu bamurwanya cyane muri politike ndetse amwita “umunyagitugu”. Kare umukuru w’igipolisi cya Uganda, Gen Kalekezi Kayihura, yemeje ko igipolisi cyahanganye n’abatavuga rumwe na reta ariko ahakana ko Besigye yafashwe.

Ibindi kuri iyi nkuru