Intare zatorotse parike muri Kenya

Uwufise ububasha kw’isanamu AFP

Urwego rwita ku bukerarugendo muri Kenya (KWS) ruri guhiga intare enye zatorotse parike y’igihugu ikikije umurwa mukuru Nairobi.

Zatorotse nyuma ya saa sita z’ijoro zibonwa ku mihanda mu gitondo.

Abatuye Nairobi basabwe kuzigendera kure banahabwa telefoni yo guhamagara ku buntu kugira ngo batange amakuru nibaramuka baziciye ijisho.

Paul Udoto ukora muri KWS yanditse ku rukuta rwe rw’urubuga nkoranya mbaga rwa Twitter ati:

“Intare ni inyamaswa z’inkazi. Wizishotora nuhura nazo ntuzishotore”

Umunyamakuru wa BBC Abdinoor Aden uri i Nairobi avuga ko parike itandukanyijwe n’umuhanda munini hagati y’ahantu hatuwe cyane mu majyepfo y’umujyi.

Abarinzi ba parike babwiye BBC ko kajugujugu ziri gukoreshwa mu guhiga no gutahura aho intare zihishe, biracyekwa ko zirimo intare y’ingore.

Hari urujijo ku mubare nyawo w’intare zatorotse.

Bwana Udoko, umuvugizi w’urwego rwa KSW yavuze ko kuvuga ko hari intare esheshatu zacitse ari ugukabya.