Urugendo rwa Obama muri Cuba

Image caption Obama asuhuza Raul Castro

Perezida Obama aravuga ko urugendo rwe rwo muri Cuba ari kumwe n'umugore we mu kwezi gutaha,ruzafungura umubano mushya hagati y'Amerika na Cuba.

Mu ijambo avuga buri cyumweru, Bwana Obama yavuze ko muri urwo rugendo azabwiza ukuri leta ya Cuba kuri demokarasi n'iyubahiriza ry'ikiremwamuntu.

Amerika yasubukuye umubano na Cuba mu kwezi kwa 7, umwaka ushize, nyuma y'imyaka irenga 50 y'ubushyamirane.

Urugendo rwe ruzaba ari urwa mbere perezida w'Amerika agiriye muri Cuba mu myaka 90.