Kizza Besigye yongeye gutabwa muri yombi

Kizza Besigiye, yatawe muri yombi n'igipolisi. Yatawe muri yombi mu gihe yageragezaga kuva mu rugo iwe aho yari afungishe ijisho kuva kuwa gatanu.

Kizza Besigye afatwa nk'umuyobozi ukomeye w'abatavuga rumwe na leta akaba ari umukuru w'ishyaka rya Forum for Democratic Change (FDC).

We n'abandi bakandida barindwi barimo Amama Mbabazi wigeze kuba ministri w'intebe, bari bahanganye na Perezida Yoweri Museveni mu matora y'umukuru w'igihugu yabaye mu cyumweru gishize.

Ababibonye biba baravuga ko yafashwe mu gihe yagerageza gusohoka iwe mu rugo.

Yari afungishijwe ijisho iwe mu rugo kuva kuwa gatanu w'icyumweru gishize, ashinjwa kuba yari afite umugambi wo kwitangariza ubwe ibyavuye mu matora y'umukuru w'igihugu.

Akanama gashinzwe amatora katangaje mu mpera z'icyumweru gishize ko Yoweri Museveni ariwe watsinze amatora y'umukuru w'igihugu.