Umukinnyi yahaye ikarita itukura umusifuzi

Uwufise ububasha kw’isanamu Reuters

Abafana b'ikipe ya Trabzonspor yo muri Turikiya berekanye ko bashyigikiye Salih Dursun wirukanywe mu kibuga kubera kwereka umusifuzi ikarita itukura.

Salih Dursun yahaye ikarita itukura umusifuzi Deniz Bitnel, bityo aba umukinnyi wa kane wa Trabzonspor wirukanywe mu kibuga mu mukino iyo kipe yatsinzwe na Galatasaray 2-1.

Nyamara ariko, ibyo abafana bamushyigikiye mu gihe umusifuzi Bitnel we bamunenga kubera uko yasifuye umukino.

Ikipe yaTrabzonspor yatangiye kandi kugurisha imipira (T-shirts) mu iduka ryayo iriho ifoto yerekana uwo mukinnyi atanga ikarita itukura.

Ikipe ya Tranzonspor yari isigaranye abakinnyi 9 mu kibuga, ibitego bikiri 1-1, igihe umusifuzi Bitnel yahaga ikarita itukura umukinnyi Luis Cavanda ku ikosa yari akoze, bityo Galatasaray ibona penaliti.

Mu nyuma ikarita itukura yaramucitse yikubita hasi maze Dursun arayitoragura maze ayereka umusifuzi, maze nawe arayifata ayereka uwo mukinnyi maze ahita ava mu kibuga.