Syria: guhagarika imirwano ntibyubahirizwa neza

Uwufise ububasha kw’isanamu Reuters

Indege z'intambara zagabye ibitero mu duce twinshi two mu majyaruguru ya Syria ku munsi wa kabiri hageragezwa kubahirizwa amasezerano yo guhagarika imirwano muri icyo gihugu.

Impirimbanyi zaho zirakeka ko ibyo bitero ari iby'indege z'Uburusiya zitera inkunga ingabo za Perezida Bashar al-Assad.

Umutwe ukomeye w'abatavuga rumwe na leta urashinja leta kunyuranya n'ayo masezerano inshuro 15 zose.

Uravuga ariko ko ibintu bimeze neza ugereranyije nuko byari bimeze mbere.

Uburusiya nabwo bwavuze ko bwabonye aho ayo masezerano yo guhagarika imirwano atubahirijwe ariko ko muri rusange arimo kubahirizwa.