Abantu 12 bishwe batemaguwe hafi ya Beni

Uwufise ububasha kw’isanamu AFP
Image caption Igisirikare cya leta ya Congo kimaze igihe gihanganye n'inyeshyamba zo mu mutwe wa ADF.

Abantu byibura cumi na babiri bishwe batemaguwe n'abantu bakekwa kuba ari inyeshyamba z'abagande mu burasirazuba bwa Repubulika iharanira demokarasi ya Congo.

Abategetsi ba Congo barashinja inyeshyamba zo mu mutwe wa ADF ubwo bwicanyi bwabereye mu mirenge itatu iri hafi y'umujyi wa Beni mu ntara ya Kivu y'amajyaruguru.

Uyu mutwe ushinjwa kuba inyuma y'impfu z'abantu babarirwa mu magana mu burasirazuba bwa Republika iharanira demokarasi ya Congo mu mezi 18 ashize.

Aka karere kamaze imyaka myinshi kavugwamo umutekano muke uterwa n'imitwe y'inyeshyamba ihatanira kugenzura ibirombi by'amabuye y'agaciro, amashyamba n'ubutaka.