Masedoniya yafunze inzira y'abimukira

Uwufise ububasha kw’isanamu AFP
Image caption Abimukira bategereje kwambuka umupaka wa Masedoniya mu mvuya ku wa Gatatu

Masedoniya yatangaje ko itazongera kwemerera abimukira guca ku mupaka wayo n'Ubugereki.

Ibyo bizatuma inzira y'umuhanda ugana mu bihugu by'amajyarurugu y'uburayi, ufungwa.

Icyemezo kije nyuma y’uko Sloveniya ifunze inzira y’abimukira banyura mu gihugu.

Croatia na Seribiya nabyo byavuze ko bizafata iki cyemezo.

Uwufise ububasha kw’isanamu AFP

Ubu abimukira bagera 13.000 baheze ku mupaka wa Masedoniya n’Ubugereki.

Ibi bibaye nyuma y’uko Ishyirahamwe ry’Ibihugu by’Umuryango w’ibihugu by’Uburayi, EU, na Turukiya bitangarije umugambi wo koroshya ikibazo cy’impunzi ku mugabane w’Uburayi, gikomeye kuva intambara ya kabiri y’isi yarangira.

Uwufise ububasha kw’isanamu EPA

Muri uyu mugambi, ugikeneye kunozwa no kurangizwa, abimukira bose bagera mu Bugereki bava muri Turukiya bazasubizwayo.

Mu mwaka ushize, abimukira babarirwa mu bihumbi amajana baciye muri Macedoniya ariko muri aya mezi ashize, hashyizweho amabwiriza yo kubakumira.