Merkel mu isuzuma rikomeye mu matora y'uturere

Uwufise ububasha kw’isanamu AFP

Abadage bategerejwe gutora mu turere dutatu, mu matora abonwa nk’isuzuma ryo gushyigikirwa kwa minisitiri w’intebe, Angela Merkel kuri politike ye ijyanye n’impunzi.

Ishyaka ribonwa nk’irirwanya abimukira mu Budage rya AfD ryitezwe kubona imyanya muri aya matora mu gihe abantu badatuje kubera gahunda ya Madamu Merkel yo “gufungura imiryango ku mpunzi”.

Abimukira n’impunzi barenga miliyoni bagiye mu Budage mu mwaka wa 2015.

Igihe yabazwaga uko yiteguye amatora yo ku Cyumweru, Merkel yagize ati: “Mfite icyizere”.

Ibipimo by’amajwi birerekana ko ishyaka ry’Ubumwe bwa Gikirisitu n’Ubwisanzure ( Christian Democratic Union, CDU) riri bugumane ubwisanzure mu gace ka Saxony-Anhalt mu burasirazuba bw’igihugu.

Rishobora gutsindwa n’abo mu rya Greens mu gace ka Baden-Wuerttemberg mu burengerazuba, aho rifite ubwiganze.