Impuruza ya Obama ku burakari mu matora

Ntibishobora gukina mu cuma cawe

Perezida wa Amerika Barack Obama yatanze impuruza ku bahatanira kuba umukuru w’igihugu kwirinda gushoza umwuka mubi, nyuma y’umunsi umwe ibikorwa byo kwiyamamaza bya Donald Trump bisubitswe kubera imirwano.

Bwana Obama yavuze ko abakandida badakwiye gukoresha inzira “y’ibitutsi” cyane cyane kudakora “urugomo ku bandi banyamerika.”

Bwana Trump, uyoboye urutonde rw’abahabwa amahirwe yo guhagararira ishyaka ry’Abarepubulikani, yasubitse ibikorwa byo kwiyamamaza i Chicago nyuma y’uko imirwano ivutse hagati y’abamushyigikiye n’abamurwanya.

Ntibishobora gukina mu cuma cawe

Abahanganye nawe ndetse n’abandi bamushinja gukoresha imvugo ikurura imvururu.

Ku wa Gatandatu, Bwana Trump yatsinzwe bikomeye mu matora y’ibanze i Washington no muri Wyoming.

Uwufise ububasha kw’isanamu Reuters
Image caption Abashyigikjiye Trump n'abamurwanya bahanganiye i Chicago

Bwana Obama, uzarangiza igihe cye nka perezida mu kwezi kwa Mbere nyuma y’amatora azaba mu kwezi kwa Cumi na Kumwe, yavugaga ibyo ku wa Gatandatu mu gikorwa cyo gushaka inkunga mu ishyaka ry’Abademokarate i Dallas.

Yagize ati:

“Icyo abantu bari kwiyamamariza kuri uyu mwanya bagombye kwibandaho ni uburyo twagira ibintu byiza kurushaho, nta bitutsi no gucyocyorana no kuremarema ibimenyetso, nta macakubiri ashingiye ku ruhu cyangwa imyemerere.”