Siriya yagennye imirongo ntarengwa ku biganiro by'amahoro

Uwufise ububasha kw’isanamu Getty

Imyiteguro ku bindi biganiro by’amahoro muri Siriya irakomeje mbere yo ku wa Mbere ahazaba ibiganiro bizaba mu buryo buziguye.

Ibiganiro bizabera I Geneva bishyigikiwe n’Umuryango w’Abibumbye, ni bimwe mu muhate ukomeye w’umuryango mpuzamahanga mu kugerageza kurangiza intambara yapfiriyemo abantu barenga ibihumbi 250.

Bamwe mu bahagarariye uruhande rutavuga rumwe na leta bamaze kugera mu Busuwisi ndetse n’abo ku ruhande rwa guverinoma bategerejwe kuhagera uyu munsi.

Abaminisitiri b’ububanyi n’amahanga bo mu bihug by’uburayi bateraniye i Paris mu rusobe rw’ibiganiro bibanziriza ibyo ku wa Mbere.

Uwufise ububasha kw’isanamu Getty
Image caption Minisitiri w'ububanyi n'amahanga wa Siriya, Walid Muallem.

Guverinoma ya Siriya ivuga ko izohereza abayihagarariye ariko yashyizeho imirongo ntarengwa.

Minisitiri w’ububanyi n’amahanga Walid Muallem, yavugiye I Damascus ko nta biganiro bijyanye n’amatora y’umukuru w’igihugu.

Umuvugizi w’uruhande rw’abatavuga rumwe na leta yatangaje ko iyi mirongo yashyizweho na guverinoma ishobora kubangamira ibiganiro mbere y’uko binatangira.

Minisitiri w’Ububanyi n’amahanga wa Leta Zunze Ubumwe za Amerika, John Kerry, ategerejwe guhura na bagenzi be b’Ubudage, Ubufaransa n’Ubwongereza ku Cyumweru. Mbere, Amerika yari yavuze ko intambara yagabanutse cyane kuva hashyirwaho ihosha ry’intambara mu byumweru bibiri.

Ibindi kuri iyi nkuru