Alexis Sinduhije avuga ko inteko za EAC ntacyo zizageraho muri Congo

Insiguro y'amajwi,

"Ibiganiro ni byo bizazana amahoro mu burasirazuba bwa Congo" - Alexis Sinduhije

Imitwe ibiri ya politiki y'Abarundi ikorera hanze y'igihugu, PPD Girijambo na MSD, iravuga ko kugira ngo imitwe yitwaje intwaro ikomoka mu Burundi iri mu burasirazuba bwa Repubulika ya Demokarasi ya Congo ive ku butaka bw'icyo gihugu, ari ngombwa ko leta y'u Burundi yumvikana n'iyo mitwe mu rwego rwa politiki.

Mu rwandiko yandikiye Perezida wa Kenya, Uhuru Kenyatta, uyoboye umuryango w'afurika y'uburasira zuba, iyo mitwe ivuga ko imirwano ibera mu burasirazuba bwa Congo itazarangizwa n'ingufu za gisirikare.

Ibi iyo mitwe ibisabye nyuma yaho abakuru b'ibihugu bigize uwo muryango bafashe icyemezo cyo gushinga umutwe wa gisirikare uzoherezwa muri Congo gufatanya na leta y'icyo gihugu kurwanya imitwe yitwaje intwaro ifite inkomoko mu bihugu bituranye nayo.

Umwe muri iyo mitwe ni RED TABARA ugizwe n'Abarundi. Alexis Sinduhije, uyoboye ishyaka MSD ryaciwe mu Burundi na leta y'icyo gihugu ari mu bashyize umukono kuri iryo tangazo.

Yavuganye na Jacques Niyitegeka, atangira asobanura impamvu bandikiye Uhuru Kenyatta.

BBC yagerageje kumenya ico leta y'u Burundi canke Prezida Kenyatta babivugako ariko ntibiradukundira.