West Ham United 3 - Arsenal 3

Andy Carroll Uwufise ububasha kw’isanamu Reuters
Image caption Andy Carroll abaye umukinnyi wa mbere utsinze Arsenal imbumbe y'ibitego bitatu kuva Wayne Rooney yabiyitsinda mu mwaka wa 2011

Imbumbe y'ibitego bitatau bya Andy Carroll byatumye Arsenal yongera gutakaza amahirwe yo guhatanira igikombe cya shampiyona kabone n'ubwo yashoboye kugombora ikanganya umukino 3-3 kuri sitade Upton Park.

Arsenal iri inyuma ya Leicester iyoboye urutonde ku manota 10 mu gihe hasigaye imikino itandatu.

Mesut Ozil na Alex batsinze ibitego ku mipira bahawe na Alex Iwobi byatumye Arsenal igira ibitego 2-0 ariko Andy Carroll abyishyura mu masegoda 160 mu gice cya mbere.

Carroll yatsinze icya gatatu mbere y'uko Laurent Koscielny agombora umukino ukarangira ari 3-3.

West Ham yakomeje umuhigo wayo wo kumara imikino 14 idatsindiwe ku kibuga cyayo muri shampiyona y'Ubwongereza ariko iyi kipe itozwa na Slaven Bilic iracyari iya gatandatu ku rutonde rwa shampiyona inyuma ya Manchester City.

Intwari ya West Ham kubera ibitego bitatu

Rutahizamu Carroll wakomeje kuba hafi y'urubuga rw'amahina mu mukino wari uryoheye ijisho cyane wahuje aya makipe aba mu mujyi wa London, yaje guhabwa ikarita y'umuhondo kare cyane mu mukino ku munota wa kane, nyuma yo gukorera ikosa Koscielny.

Byasaga n'aho West Ham itari bugombore nyuma y'uko Ozil na Sanchez bahereye Arsenal ibitego bibiri, ariko Umwongereza Carroll yaje guhindura icyerecyezo cy'umukino mu mibota umunani gusa, mu bice byombi by'umukino.

Ibitego bitatu byose byaturutse ku muhate wa Andy Carroll, icya mbere cyaturutse ku mutwe ku mupira yahawe na Aaron Cresswell, igihe yahabwaga umwanya na ba myugariro ba Arsenal bigatuma ashobora gutera umupira wavuyemo igitego cyatumye ikipe ye inganaya 2-2 mbere y'uko igice cya mbere kirangira.

Ariko bishobora ko uyu mukinnyi wahoze anakinira Newcastle yagize amahirwe yo kudahabwa ibindi bihano igihe yagonganaga na Gabriel mu kirere, afata ukuboko kwe, asimbukira hejuru ya Hector Bellerin abona uburyo bwo gutsinda umunyezamu Ospina wari wagumye mu mwanya we mu kigwi cya Petr Cech.

Amahirwe ya Arsenal yo gutwara igikombe ararangiye?

Intsinzi ya Arsenal kuri Everton na Watford yatumye Arsenal itozwa na Arsene Wenger igumana icyizere gitoya cyo kuguma mu isiganwa ry'igikombe cya shampiyona.

Igihe yari ifite ibitego 2-0 mu minota 35, kunganya bisa n'aho yatakaje amanota abiri uretse ko bitwaye neza bagombora igitego cya gatatu cya Carroll.

Arsenal ifite imikino isa n'iyiha amahirwe mu gihe ku makipe atandatu izakina nayo, atanu ari munsi y'umurongo wo kujya mu cyiciro cya kabiri ariko ibi bizasaba ko Leicester iyoboye urutonde na Tottenham iyikurikiye zinyerera cyane.

Umukinnyi w'umukino: Andy Carroll (West Ham)

Uwufise ububasha kw’isanamu Getty Images
Image caption Carroll yabobye amashoti 10 kuri 16 ya West Ham - nta wundi mukinnyi uragira iki giteranyo muri shampiyona y'Ubwongereza uyu mwaka

Imibare ukwiye kumenya:

  • Ibitego bitatau bya Carroll byabaye ibyihuse kurusha ibindi muri iyi shampiyona. Yabitsinze mu minota irindwi n'amasegonda 14.
  • West Ham ifite izina ry'irihimbano Hammers', bivuze 'inyundo' ntiratsindwa mu mikino yayo yakiniye iwayo. (yatsinze 7, inganya 7), ni yo imaze igihe kirekire kugeza ubu muri iyi shampiyona
  • Alex Iwobi yatsinze ibitego bibiri anatanga imipira ibiri yavuyemo ibitego mu mikino itatu yakinnye abanza mu ikipe ya Arsenal
  • Iyi ni inshuro ya mbere muri shampiyona y'Ubwongereza kuva mu kwezi kwa 11/2012 Arsenal itsinda ibitego bibiri ikananirwa gutsinda umukino wose. Icyo gihe yakinaga na Fulham. umukino warangiye ari 3-3.