Tottenham ngo ishobora gutwara igikombe cya shampiyona muri uyu mwaka

Harry Kane Uwufise ububasha kw’isanamu Reuters

Umutoza wa Tottenham, Mauricio Pochettino, aravuga ko bishoboka cyane ko ikipe ye yegukana igikombe cya shampiyona cy'uyu mwaka mu Bwongereza nyuma yaho igabanyirije amanota Leicester - iri ku mwanya wa mbere - iyirusha.

Nyuma y'umukino Tottenham yanyagiyemo Stoke 4-0 kuwa mbere nimugoroba, ubu Leicester irarusha Tottenham ya kabiri amanota 5 gusa mu gihe hasigaye imikino ine ngo shampiyona irangire.

Harry Kane na Dele Alli bombi batsinze ibitego bibiri mu mukino wabereye kuri sitade ya Britannia.

Mu mikino ishize 13 ya shampiyona, Tottenham imaze gutsindamo 10.

Umukinnyi w'imbere wa Tottenham, Kane - umaze gutsinda ibitego 24 muri iyi shampiyona - aravuga ko Tottenham ifite icyizere cyo kubuza Leicester amahirwe yo gutwara igikombe.

Imikino isigaye

Leicester Itariki Tottenham
Swansea 24 Ukwa kane
25 Ukwa kane West Brom
Man Utd 1 Ukwa gatanu
2 Ukwa gatanu Chelsea
Everton 7 Ukwa gatanu
8 Ukwa gatanu Southampton
Chelsea 15 Ukwa gatanu Newcastle