Leicester City yatwaye igikombe nyuma y'uko Tottenham inganyirije na Chelsea 2-2

Umukinnyi wa Leicester Jarmie Vardy
Insiguro y'isanamu,

Umukinnyi wa Leicester Jarmie Vardy

Leicester City yegukanye igikombe cya shampiyona y'umupira w'amaguru mu Bwongereza mu buryo butangaje mu mateka yo mu rwego rw'imikino.

Kunganya kwa Tottenham na Chelsea2-2 mu ijoro ryakeye ku wa Mbere, byashimangiye ku buryo budasubirwaho amateka y'ikipe itozwa na Cladio Ranieri.

Leicester yatangiye shampiyona iri ku gipimo cy'amahirwe ya 5.000-1 yo gutwara igikombe, mbere y'uko habuze gato ngo isubire mu cyiciro cya kabiri mu mwaka ushize.

Insiguro y'isanamu,

Abakinnyi bane ba Leicester- Jamie Vardy, Riyad Mahrez, N'Golo Kante na Wes Morgan batoranyijwe mu kinpe y'umwaka muri shampiyona y'Ubwongereza

Ariko bamaze gutsindwa imikino itatu gusa mu buryo busobanurwa nk'inkuru itangaje y'ibihe byose mu mateka y'umukino ukinwa nk'ikipe.

Amakipe yari ahanganye na Leicester Spurs, Arsenal, Manchester City na Manchester United ndetse na Chelsea yatwaye iki gikombe umwaka ushize, zose zananiwe kugera ku rwego rw'imikinire ya Leicester.

Abakinnyi bose b'ikipe ya Leicester baguzwe amafaranga ari hasi y'ayagurwa umukinnyi umwe muri imwe mu makipe akomeye bari bahanganye.

Insiguro y'isanamu,

Lineker nta cyizere yari afite ku buryo mu kwezi kwa 12 yasezeranyije gutangaza ikiganiro cy'imikino akora kuri BBC cyitwa Match Of the Day yambaye ikariso gusa, Leicester nitwara igikombe.

Ndetse naMinisitiri w'Intebe David Cameron yacyeje Leicester agira ati : "biratangaje, igikombe cya shampiyona y'Ubwongereza baragikwiye mu buryo bwose".

Insiguro y'isanamu,

Mark Selby afite impamvu zirenze imwe zo kwishima nyuma yo gutwara igikombe cya biyari (Snooker cyangwa Billard)

Insiguro y'isanamu,

Abafana bateraniyehanze y'inzu ya Vardy bishimira gutwara igikombe

Insiguro y'isanamu,

Utubari twari twuzuye abafana bari buzuye ibyishimo

Insiguro y'isanamu,

Benshi mu bafana bafashe iy'umuhanda bishimira igikombe cya Leicester City