Zlatan Ibrahimovic: Rutahizamu wa Paris St-Germain azasezera mu ikipe mu mpera za shampiyona

Zlatan Ibrahimovic Uwufise ububasha kw’isanamu Getty Images
Image caption Ibrahimovic amaze igihe ahwihwiswa ko ashakwa na Los Angeles Galaxy

Zlatan Ibrahimovic azava muri Paris St-Germain nyuma ya shampiyona.

Amasezerano y'uyu rutahizamu w'imyaka 34 ukomoka muri Suwedi azarangira mu mpera z'iyi shampiyona, kandi amaze igihe bivugwa ko ashakishwa na Manchester United, Los Angeles Galaxy na AC Milan.

Yagize ati: "Mfite ishema." "naje nk'umwami, ngiye nk'igihangange wriko nzagaruka."

PSG yavuze ko Ibrahimovic agiye nka "rutahizamu ukomeye cyane ndetse nk'umwe mu bakinnyi babaye muri iyi kipe mu mateka yayo".

N'ubwo Ibrahimovic yagiye muri iyi kipe mu mwaka wa 2012, yaciye umuhigo wo gutsinda ibitego byinshi mu mateka yayo, yatsinze 152 mu mikino 178.

PSG yatwaye igikombe cya shampiyona League 1 muri buri mwaka Ibrahimovic yayikiniye, ndetse uyu mwaka igitwara habura amezi abiri ngo shampiyona irangire.

Ibrahimovic watwaye ibikombe bya shampiyona mu makipe atandatu atandukanye, yagize ati: "Nakunze buri munsi wose nabaye hano." "Paris St-Germain yabaye ikipe y'igihangange ku isi kandi nabigizemo uruhare rukomeye. Ubu iki ni igihe kiboneye kugira ngo mfate ikindi cyerekezo."

PSG izakina na NAntes mu mukino wa shampiyona ku wa Gatandatu mbere yo guhura na Marseille mu mukino wa nyuma w'igikombe cy'Ubufaransa ku itariki 21 z'uku kwezi kwa Gatanu.

Hari amasezerano ari kurebwa yatuma Ibrahimovic agaruka muri PSG nyuma yo kurangiza imyaka ye akinira ikipe, mu gihe perezida wa PSG NAsser Al-Khelaifi yavuze ko "ari kureba uburyo yakongera gukoranamo nawe."

Ibrahimovic yarangije shampiyona yo mu mkwaka wa 2012-2013 na 2013-2014 ari ku isonga y'abakinnyi batsinze ibitego byinshi kandi ararusha rutahizamu wa Lyon, Alexandre Lacazette, ibitego 15 muri iyi shampiyona.

Mu myaka ine yamaze kandi, yashyizwe ku rutonde rw'ikipe y'umwaka muri shampiyona Ligue 1 mu Bufaransa.

Uwufise ububasha kw’isanamu Zlatan Ibrahimovic
Image caption Ibrahimovic azakina umukino we wa nyuma kuri sitade Parc des Princes ikipe ye ihura na Nantes
Uwufise ububasha kw’isanamu PSG
Image caption Nyuma gato y'ibyanditswe na Ibrahimovic kuri twitter, PSG yashimiye uyu munya Suwedi