Manchester United yirukanye Louis van Gaal

Louis van Gaal
Insiguro y'isanamu,

Louis van Gaal yasimbuye David Moyes nk'umutoza wa Manchester United muri 2014

Manchester United yirukanye umutoza wayo, Louis van Gaal, mu gihe bivugwa ko Jose Mourinho wirukanywe muri Chelsea umwaka ushize ariwe ugomba kumusimbura.

Uyu mugabo wo mu Buholandi agiye amaze gusa imyaka ibiri kuri itatu y'amasezerano y'akazi yagiranye na Manchester United.

Kuwa gatandatu BBC yari yatangaje ko umukino Manchester United yatsinzemo Crystal Palace igatwara igikombe cya FA ariwo mukino we wanyuma ari umutoza wayo.

Bizemezwa ko Jose Mourinho abaye umutoza wa Manchester United kuwa kabiri amaze guhura n'abayobozi bakuru b'iyi kipe.

Insiguro y'isanamu,

Jose Mourinho yatsindiye ibikombe bya shampiyona mu Bwongereza muri 2005, 2006 na 2015

Insiguro y'isanamu,

Van Gaal yatsindiye ibikombe bya shampiyona mu makipe ya Ajax, Barcelona, AZ Alkmaar na Bayern Munich

Insiguro y'isanamu,

Jose Mourinho na Louis van Gaal bigeze gukorana igihe gito muri Barcelona muri 1998/99

Insiguro y'isanamu,

Muri Manchester United, Van Gaal yayoboye imikino 103, atsindamo 54, anganya 25, atsindwa 24

Insiguro y'isanamu,

Manchester United yasezerewe mu gikombe cy'Uburayi 2015/16 itsinzwe na Wolfsburg mu kwezi kwa 12

Insiguro y'isanamu,

Gutsindwa 3-2 na West Ham byatumye Manchester United itakaza amahirwe yo gukina mu gikombe cy'Uburayi umwaka utaha.