Croatia na Turkiya bishobora guhanwa
Ahavuye isanamu, EPA
Abakinnyi ba Croatia basaba abafana babo gucisha make
Abayobozi b'umupira w'amaguru mu Burayi, batangiye kureba niba bashobora gufatira ibihano Croatia na Turikiya kubera imyitwarire mibi y'abafana babyo mu irushanwa ry'igikombe cy'Uburayi.
Abafana ba Croatia barashinjwa kuba barateranye ibintu harimo ibyaka umuriro no kwerekana imyitwarire y'ivanguramoko nyuma y'umukino Croatia yanganyije na Repubulika ya Czech kuwa gatanu.
Abafana ba Turikiya barashinjwa kuba barateranye ibintu birimo ibyaka umuriro no kwinjira mu kibuga mu mukino wahuje igihugu cyabo na Espagne (umukino Espagne yatsinze 3-0).
Iri rushanwa ribera mu Bufaransa rikomeje kurangwa n'imyitwarire mibi y'abafana.
Biteganijwe ko ishyirahamwe ry'umupira w'amaguru mu Burayi - UEFA - rizatangaza ibihano rishobora kuba ryafashe kuwa mbere.
