Iperereza rya UEFA ku bafana b'ibindi bihugu 3

Abapolisi, bambaye imyenda y'ubururu, bakumira abafana ba Hongria. Uwufise ububasha kw’isanamu AFP
Image caption Abapolisi, bambaye imyenda y'ubururu, barakumira abafana ba Hongria.

Ishyirahamwe ry'umupira w'amaguru mu Burayi, UEFA, ryatangiye gukora iperereza riganisha ku bihano ku myitwarire y'abafana ba Hongria, Ububirigi na Portugal mu mikino y'igikombe cy'Uburayi yabaye kuwa gatandatu.

Urwego rushinzwe gufata ibihano muri UEFA rurimo ruranakora amaperereza kuri Turikiya na Croatia kandi rwanaburiye Ubwongereza n'Uburusiya ku birebana n'imyitwarire mibi y'abafana babyo.

Iri rushanwa ribera mu gihugu cy'Ubufaransa riraba mu gihe hari impungenge z'umutekano nyuma y'ibitero intagondwa z'abayisilamu bagabye ku mujyi wa Paris.

Mu mikino yabaye ejo kuwa gatandatu, Ububirigi bwatsinze Ireland 3-0; Hongria inganya na Iceland 1-1 naho Portugal inganya na Autriche 0-0.

Kuri iki cyumweru, Roumania irahura na Albania naho Ubufaransa bukine n'Ubusuwisi.

Iyo mikino yombi iratangira isaa moya zijoro ku isaha mpuzamahanga ya GMT.