Leicester City v FC Copenhagen

Umutoza wa Leicester City, Claudio Ranieri, avuga ko irushanwa rya Champions League ari ryo riri ku isonga y'intego yayo kubera ko bafite igihe kirekire cyo kwisubiraho mu mikino ya shampiyona ya Premier League.

Iyi kipe ifite izina ry'irihimbano The Foxes [Amafuku] irahura na FC Copenhagen kuri sitade yayo ya King Power kuri uyu wa Kabiri, nyuma yo gutsinda imikino yayo ibiri yabanje.

Ariko iyi kipe ifite igikombe cya shampiyona yo mu Bwongereza ifite amanota umunani gusa mu mikino umunani ya shampiyona uyu mwaka, aho iri kugerageza kurwana ku gikombe cyayo.

Ranieri yagize ati:

"Muri Premier League tugomba kuba tumeze neza mu mpera z'umwaka. Champions League ni aka kanya."

"Muri aka kanya, ni yo ntego".

Abakinnyi ba Ranieri batsinze Club Brugge 3-0 ku mukino wayo w'ibanze, mbere yo gutsinda Porto 1-0.

Riyad Mahrez na rutahizamu Islam Slimani, bamwe mu bakinnyi b'ingenzi ba Leicester, bari buze kugaruka mu kibuga igihe baza kuba bahura na FC Copenhagen.

Aba bakinnyi bombi bakinnye basimbuye mu mukino batsinzwe na Chelsea 3-0, baza ku munota wa 67.

Nampalys Mendy, ukina hagati aracyari mu mvune nyuma yo kubagwa ku gatsinsino byamuteye kudakina kuva mu kwezi kwa Munani.

Ranieri yavuze ko imikino ya FC Copenhagen "ari ingenzi cyane" kandi iratwereka "icyo dushobora gukora mui Champions League".

IMIKINO ITEGANYIJWE KURI UYU WA KABIRI 18/10/2016

Bayer Levkn 19:45 Tottenham

Leicester 19:45 FC Copenhagen

CSKA 19:45 Monaco

Real Madrid 19:45 Legia War

Sporting 19:45 Bor Dortmd

Club Brugge 19:45 FC Porto

Dinamo Zagreb 19:45 Sevilla

Lyon 19:45 Juventus

Icyitonderwa: Aya masaha ni ayo mu Bwongereza.