Burkina Faso na Cameroon muri kimwe cya kabiri
Ahavuye isanamu, AFP
Cameroon imaze kwegukana igikombe cya Afurika inshuro enye.
Mu irushanwa ry'igikombe cya Afurika cy'ibihugu ribera muri Gabon, Burkina Faso na Cameroon byaraye bibonye itike yo gukomeza muri kimwe cya kabiri.
Ibitego bibiri byabonetse mu minota ya nyuma y'umukino byatumye Burkina Faso isezerera Tunisia ku bitego bibiri ku busa.
Burkina Faso izahura na Maroc cyangwa Misiri kuwa gatatu mu mukino wa kimwe cya kabiri.
Ahavuye isanamu, Gabriel Bouys
Burkina Faso yatunguye Tunisia
Cameroon yo yasezereye Senegal hagombye kwitabazwa za penaliti; Cameroon itsinda 5-4.
Ikipe y'igihugu cya Cameroon imaze kwegukana iki gikombe inshuro enye.
Cameroon izahura na Repubulika iharanira demokarasi ya Congo cyangwa Ghana kuwa kane mu mukino wa kimwe cya kabiri.
Andi makipe azajya muri kimwe cya kabiri araza kumenyekana ku mugoroba wa kino cyumweru.
Repubulika iharanira demokarasi ya Congo irahura na Ghana naho Misiri ikine na Maroc.
