Eden Hazard: Umutoza wa Chelsea atangajwe nuko yahamagawe n'Ububiligi

Hazard ntabwo arongera gukina kuva yavunika akagombambari ari gukinira ikipe y'igihugu mu kwezi kwa gatandatu Uwufise ububasha kw’isanamu Getty Images
Image caption Hazard ntabwo arongera gukina kuva yavunika akagombambari ari gukinira ikipe y'igihugu mu kwezi kwa gatandatu

Umutoza Antonio Conte yavuze ko atangajwe no kumenya ko ikipe y'igihugu y'Ububiligi yashyize umukinnyi wo hagati Eden Hazard ku rutonde rw'abakinnyi izifashisha mu mikino iri imbere y'amajonjora y'igikombe cy'isi.

Hazard ntabwo arongera gukina kuva yavunika akagombambari ari gukinira ikipe y'igihugu mu kwezi kwa gatandatu. Byabaye ngombwa ko abagwa.

Umutoza Conte yagize ati: "Ni ingenzi cyane gutanga igihe gikwiye cyo koroherwa".

Conte yahishuye ko yamenye ko Hazard yashyizwe ku rutonde rw'abakinnyi bazifashishwa n'ikipe y'Ububiligi habura gusa iminota 20 ngo agirane ikiganiro n'abanyamakuru cyo kuri uyu wa gatanu.

Yavuze ko atarabona uko avugana n'umutoza Roberto Martinez w'Ububiligi.

Yagize ati: "Nabaye umutoza w'ikipe y'igihugu y'Ubutaliyani, rero nubaha umwanzuro w'umutoza".

Yongeyeho ati: "Niba Hazard atarakira, ntazakina. Ni yo mpamvu natwe tutamukinisha".

Yavuze ko byaba ari "ikosa rikomeye" gukura Hazard mu mvune hutihuti.

Hazard ntabwo nanone azakina umukino Chelsea izakina na Everton kuri iki cyumweru.

Ububiligi buzakira Gibraltar ku itariki 31 z'uku kwezi kwa munani. Nyuma yaho, ku itariki 3 z'ukwezi gutaha kwa cyenda, Ububiligi buzakina n'Ubugereki.