Irushanwa rya Volleyball y'ababana n'ubumuga mu Rwanda

Irushanwa rya Volleyball y'ababana n'ubumuga mu Rwanda
Image caption Afrika yepfo ikina na Maroc

Mu Rwanda harimo kubera imikino yo guhatanira igikombe cya Afrika mu mukino wa Volleyball y'ababana n'ubumuga(sitting volleyball).

Iri rushanwa ryitabiriwe n'ibihugu 7 bya Afrika bifitemo amakipe 7 y'abagabo n'amakipe 4 y'abagore.

Kuri uyu wa kane ikipe ya Maroc y'abagabo yatsinze iya Afrika y'epfo seti 3-0,ikaba ari intsinzi yayo ya kabiri kuva amarushanwa yatangira ku munsi w'ejo ubwo Maroc yatsindaga Kenya seti 3-0.

Ikipe y'u Rwanda y'abagabo nayo ejo yanyagiye iya Afrika y'epfo iyitsinze seti 3-0.

Mu bagabo kandi Misiri yatsinze DRCongo seti 3-0.

Mu bagore u Rwanda kandi rwatsinze Repubulika iharanira demokarasi ya Congo seti 3-0;Kenya itsinda Misiri bigoranye seti 3-2.

Mu mikino yitezwe uyu munsi,ukomeye cyane urahuza mu ijoro ikipe y'u Rwanda na Kenya mu bagabo.