Misri mu bagabo n'u Rwanda mu bagore begukanye igikombe cy'afrika muri Volleyball

Ikipe y'abagore y'u Rwanda yegukanye igikombe cy'Afrika muri Volleyball
Image caption Ikipe y'abagore y'u Rwanda yegukanye igikombe cy'Afrika muri Volleyball

Ikipe y'abagabo ya Misri niyo yaraye yegukanye igikombe cy'afrika mu mikino ya Volleyball y'ababana n'ubumuga naho ku ruhande rw'abagore ikipe y'u Rwanda ikaba ariyo yegukanye igikombe.

Ikipe ya Misri yatsinze u Rwanda irurusha bigaragara seti 3-0 ku manota 25-16 ;25-8 na 25-16 igumana igikombe cya Afrika dore ko ari na yo yari igifite.

Umutoza wa Misiri avuga ko ari ishema rikomeye kugumana iki gikombe: "ndanezerewe cyane kuba dushoboye gutwara iki gikombe kandi twongeye gutsinda u Rwanda.Ikipe y'u Rwanda ni ikipe nziza,ifite abakinnyi bakiri bato kandi bafite ejo hazaza heza".

Image caption Ikipe ya Misri yatsinze u Rwanda irurusha bigaragara seti 3-0 ku manota 25-16 ;25-8 na 25-16 igumana igikombe cya Afrika

Umukino w'abagabo wabanjirijwe n'umukino wa nyuma ku makipe y'abagore nawo wahuje u Rwanda na Misri,u Rwanda rutsinda Misri seti 3-0 za a,amanota 25-14;25-20 na 25-11.Umutoza Jean Marie Nsengiyumva avugako barusha Misri ku buryo bugaragara

Irushanwa ryitabiriwe n'amakipe aturuka mu bihugu 7 bya afrika aribyo u Rwanda,Misri,Afrika y'epfo,Congo Kinshasa,Maroc,Algeria na Kenya.Amakipe iya mbere n'iya kabiri akaba yarahise abona itike yo kuzakina imikino y'igikombe cy'isi izabera mu Buholandi umwaka utaha.