Alex Iwobi: Rutahizamu wa Arsenal ashobora gucibwa amande kubera kwishimisha mbere y'umukino

Alex Iwobi Uwufise ububasha kw’isanamu Getty Images
Image caption Alex Iwobi ni umwishywa wa Jay-Jay Okocha wahoze akina mu ikipe ya Bolton

Arsene Wenger avuga ko Alex Iwobi azacibwa amande nibyemezwa ko yagiye kwidagadura amasaha 36 mbere y'umukino Arsenal yatsizwe na Nottingham Forest ku Cyumweru.

Amashusho asa n'ayerekana uyu mukinnyi w'imyaka 21 mu birori mu masaha y'igicuku cyo ku wa Gatandatu yatangajwe ku mbuga nkoranyambaga.

Iwobi yakinnye iminota yose y'umukino wa FA ikipe ye Arsenal yatsinzwe na Nottingham Forest mu irushanwa rya FA.

Umutoza wa Arsenal, Bwana Wenger yagize ati: "ntibishoboka" kandi "ntibyakwihanganirwa" kujya hanze [kwidagadura] amasaha 48 mbere y'umukino.

Amashusho yashyizwe ku rubuga nkoranyambaga rwa Snapchat asa n'ayerekana uyu mukinnyi w'Umunya Nijeriya ari kubyina mu nzu mu mujyi wa Londres hadi saa 02:37 ku isaha mpuzamasaha ya GMT, asohoka mu kinyamakuru The Sun.

Ariko Wenger yavuze ko Iwobi atigeze afata ibiyobyabwenge cyangwa ngi anywe inzoga.

Yagize ati:

"Mbere na mbere tugomba kwitondera ibiri gusohoka,"

Yongeraho ati:

"Iyo usomye ibiri kwandikwa bisa nk'aho yafashe ibiyobyabwenge. Ntiyigeze abijyamo na gato."

Wenger yongeyeho ko

"Uzi ko rimwe na rimwe ushaka kwitegura 100% ariko ntibivuze ko uzagira umunsi mwiza [ku mukino]. Icyi ni cyo gisabwa umukinnyi w'umwuga ku rwego rwo hejuru."