Champions League: Guardiola yavuze ko abakinnyi be bagomba kwizera ko bashobora gutsinda

Pep Guardiola yatsiznwe bikomeye ku nshuro ya mbere muri Champions League nk'umutoza wa manchester City Uwufise ububasha kw’isanamu EPA
Image caption Pep Guardiola yatsiznwe bikomeye ku nshuro ya mbere muri Champions League nk'umutoza wa manchester City

Pep Guardiola avuga ko abakinnyi b'ikipe ye ya Manchester City bagomba kwiyumvisha ko bashobora gusezerera Liverpool muri Champions League kabone n'ubwo batsinzwe 3-0

City yaguye mu kantu itangazwa n'imikinire ya Liverpool mu gice cya mbere cy'umukino wabereye ku kibuga cya Anfield.

Umukino wa kabiri wo kwishyura uteganyijwe ku wa Kabiri mu cyumweru gitaha kuri sitade ya Etihad, aho City itaratsindirwa na rimwe muri shampiyona ya Premier League uyu mwaka.

Guardiola yabwiye televiziyo ya BT Sport ati:

"Nta byinshi byo kwinuba mfite. Nta n'umwe ubyizera [ko twakomeza] ariko turacyafite undi mukino."

Liverpool yatangiye umukino neza cyane Mohamed Salah ayifungurira amazamu bwangu.

Uwufise ububasha kw’isanamu Reuters
Image caption Kabone n'ubwo yatsinzwe, Guardiola aracyafote icyizere cyo gukomeza muri Champions League

Alex Oxlade-Chamberlain yunzemo icya kabiri ku ishoti ikomeye cyane mbere y'uko Sadio Mane atsinda icya gatatu ku mutwe.

Kuri Klopp haracyari kare kubyina intsinzi

Steven Gerrard wahoze akinira Liverpool akaba na kapiteni wayo yabwiye BT Sport ko uyu wari umukino mwiza cyane kuri Liverpool.

Ariko umutoza Jurgen Klopp we yabyitwayemo gahoro avuga ko ategereje umukino wundi wo kwishyura mu cyumweru gitaha.

"Twatsinze ikipe nziza ku isi- Ni imikinire myiza cyane"

"Tugomba kuzakora cyane. Ntabwo turajya mu cyiciro gikurikira. Kubera iki nabyina intsinzi? Reka tuzavugane nyuma y'umukino wa kabiri hanyuma tuzarebe niba tuzaba turi kuvuga rumwe."

Ntukavuge ko byarangiye burundu muri Champions League

Mu myaka micye ishize, Champions League imaze igihe ibona ibisa n'ibitangaza.

Mu mwaka ushize, Barcelona yatsinzwe ibitego 4-0 na Paris St-Germain muri 1/8. mu mukino wa mbere. Mu mukino wo kwishyura, yatsinze 6-1. Mu gihe City ubwayo yakuwemo na Monaco istinzwe 3-1 mu mukino wa kabiri kandi yari yaratsizne uwa mbere 5-3.

Ibindi bisa n’ibi

Ibindi kuri iyi nkuru