Mohamed Salah ntarizera kuba mu ikipe ya Misiri ikina n'Uburusiya

Rutahizamu Mohamed Salah ni we watsindiye Misiri ibitego byinshi mu mikino y'amajonjora yo kwitabira igikombe cy'isi, aho yatsinze ibitego bitanu
Image caption Rutahizamu Mohamed Salah ni we watsindiye Misiri ibitego byinshi mu mikino y'amajonjora yo kwitabira igikombe cy'isi, aho yatsinze ibitego bitanu

Rutahizamu Mohamed Salah wa Misiri araza gusabwa gutanga ikizamini cya nyuma cy'uko ari muzima neza kugira ngo abashe gukina mu mukino uhuza Misiri n'Uburusiya kuri uyu wa kabiri mu gikombe cy'isi cya 2018.

Salah ntiyashoboye gukina umukino wa mbere w'igikombe cy'isi cy'uyu mwaka Misiri yatsinzwemo na Uruguay 1-0, kubera imvune ku rutugu yagize mu mukino wa nyuma wa Champions League mu kwezi gushize.

Umutoza Hector Cuper w'ikipe ya Misiri yagize ati:

"Ameze neza. Nizeye ko aza kuba ameze neza agashobora gukina. Mu mukino ubanza twatekerezaga ko ameze neza ariko tugomba kumukorera ikizamini cya nyuma cy'ubuzima".

Uburusiya ntabwo buza kuba bufite Alan Dzagoev, umukinnyi wabwo wo hagati ukina asatira izamu, nyuma yo kuvunika mu itako mu mukino utangiza igikombe cy'isi cy'uyu mwaka.

Ibindi bisa n’ibi