Mohamed Salah yasinye kontaro nshya muri Liverpool

Mu mwaka ushize Mohamed Salah yatsinze ibitego 32 muri shampiyona y'umupira w'amaguru mu Bwongereza izwi nka Premier League Uwufise ububasha kw’isanamu Reuters
Image caption Mu mwaka ushize Mohamed Salah yatsinze ibitego 32 muri shampiyona y'umupira w'amaguru mu Bwongereza izwi nka Premier League

Rutahizamu Mohamed Salah w'ikipe ya Liverpool yasinye kontaro nshya y'imyaka itanu muri iyi ikipe.

Salah, Umunyamisiri y'imyaka 26 y'amavuko, yageze mu ikipe ya Liverpool ku mpeshyi ishize avuye mu ikipe ya AS Roma yo mu Butaliyani. Icyo gihe yaguzwe miliyoni 34 z'amapawundi.

Amaze gutsindira Liverpool ibitego 44 mu mikino 52 amaze kuyikinira.

Salah ku ntebe y'abasubirizi mu rukino na Urugway

Mohamed Salah, umukinyi wa mbere mwiza muri Afrika

Mohamed Salah, umukinyi wa BBC w’umupira w’amaguru wa Afurika 2017.

Muri kontaro ye nshya, izarangira mu mwaka wa 2023, nta ngingo irimo ivuga ku byo yasabwa mu gihe yaba ashatse kuyivamo.

Umutoza Jurgen Klopp wa Liverpool yagize ati:

"Ibi biragaragaza neza cyane ibintu bibiri - ukuntu yemera Liverpool n'ukuntu Liverpool imwemera".

Salah ni we watsinze ibitego byinshi mu mwaka wa shampiyona ushize mu Bwongereza. Yatsinze ibitego 32 - byinshi bimaze gutsindwa n'umukinnyi umwe mu mikino 38, atsindira atyo urukweto rwa zahabu.

Uko yitwaye kwanatumye anatsindira ibindi bihembo bibiri mu mwaka ushize.

Igitangwa n'ishyirahamwe ry'abakinnyi bakina umupira w'amaguru by'umwuga ndetse n'igitangwa n'ishyirahamwe ry'abanyamakuru bandika ku nkuru z'umupira w'amaguru.