Umusifuzi wo muri Senegal wasifuye mu gikombe cy'isi yasezeye ku mwuga we

Malang Diedhiou afite imyaka 54 y'amavuko Uwufise ububasha kw’isanamu Getty Images
Image caption Malang Diedhiou afite imyaka 54 y'amavuko

Umusifuzi wo muri Senegal wasifuye mu gikombe cy'isi cyo muri uyu mwaka wa 2018, yagiye mu kiruhuko cy'izabukuru.

Malang Diedhiou yabitse ifirimbi ye y'ubusifuzi, asoza atyo umwuga we w'ubusifuzi.

Ni umwuga yamugejeje kuri byinshi, birimo gusifura imikino y'igikombe cy'isi, igikombe cy'amakipe yabaye aya mbere ku migabane yayo ndetse no kuba umusifuzi mu mikino ya Olympike.

Diedhiou w'imyaka 54 y'amavuko, yasifuye mu mikino ine y'igikombe cy'isi giheruka cyaberaga mu Burusiya muri uyu mwaka.

Asanzwe akora mu kigo gishinzwe abinjira n'abasohoka muri Senegal.

Yari umusifuzi wo hagati mu mukino wo mu matsinda y'igikombe cy'isi wahuje Costa Rica na Serbia ndetse n'uwahuje Uburusiya na Uruguay.

Yanasifuye umukino wo mu cyiciro cy'imikino yo gukuranamo mu gikombe cy'isi giheruka, wahuje Ububiligi n'Ubuyapani.