Herman Julian niwe wasize abandi ku gace ka gatatu k'isiganwa ry'amagare, Tour du Rwanda 2018

Herman Julian akinira ikipe ya Embrace the World yo muri Leta Zune Ubumwe za Amerika
Image caption Herman Julian akinira ikipe ya Embrace the World yo muri Leta Zune Ubumwe za Amerika

Herman Julian ni Umudage ukinira ikipe ya Embrace the World yo muri Leta Zunze Ubumwe za Amerika, yakoresheje amasaha 5 iminota 11 n'amasegonda 04.

Ni urugendo rw'ibirometero 200 guturuka mu mujyi wa Huye rusorezwa mu mujyi wa Musanze mu majyaruguru y'u Rwanda.

Yasizeho amasegonda 7 gusa Lozano Riba David wo mu ikipe ya Team Novo Nordisk nayo yo muri Amerika waje ku mwanya wa kabiri.

Gusa ariko ntiyashoboye kugabanya ibihe bimaze gukoreshwa n'Umunyarwanda Samuel Mugisha, kugeza ubu ukiyoboye iryo siganwa.

Image caption Mugisha Samuel niwe akiyoboye itsinda

Ku rutonde rw'agateganyo, Samuel Mugisha aracyarusha amasegonda 21 uwa kabiri ariwe Uwizeye Jean Claude nawe wo mu Rwanda.

Ku munsi w'ejo abasiganwa bazahaguruka i Musanze berekeze mu mujyi wa Karongi, ni urugendo rw'ibirometero 135.

Ibindi bisa n’ibi