Rayon Sports na Enyimba mu mukino wa kimwe cya kane cya CAF Confederation Cup

Tombola yabereye i Cairo mu Misiri Uwufise ububasha kw’isanamu Getty Images
Image caption Tombola yabereye i Cairo mu Misiri

Ikipe ya Rayon Sports yo mu Rwanda izakina na Enyimba yo muri Nigeria mu mikino ya kimwe cya kane cya Cup Confederation Cup, nyuma ya tombola yabaye ku wa mbere.

Rayon, ikipe ya mbere mu mateka y'umupira w'amaguru w'u Rwanda igeze muri iki cyiciro mu irushanwa rikomeye ryo ku mugabane w'Afurika, izacyira Enyimba mu mukino ubanza ku itariki ya 16 y'uku kwezi kwa cyenda.

Ikipe izakomeza izakina n'imwe hagati ya Club Athlétique Renaissance Aiglon Brazzaville (CARA) yo muri Congo-Brazzaville cyangwa Raja Casablanca yo muri Maroc.

Mu yindi mikino, ikipe ya El Masry yo mu Misiri izakina na USM Alger yo muri Algeria naho Vita Club yo muri Repubulika ya Demokarasi ya Kongo ikine na Renaissance Berkane yo muri Maroc.

Umukino wa mbere wa kimwe cya kane uzaba ku itariki ya 16 y'uku kwezi kwa cyenda naho uwo kwishyura ube ku itariki ya 23 y'uku kwezi kwa cyenda.

Dore uko amakipe yose azahura:

Rayon Sports (Rwanda) na Enyimba (Nigeria)

CARA (Congo-Brazzaville) na Raja Casablanca (Maroc)

Al Masry (Misiri) na USM Alger (Algeria)

Vita Club (Repubulika ya Demokarasi ya Kongo) na Renaissance Berkane (Maroc)

Ibindi bisa n’ibi