Mo Salah yafashije Misiri kunyagira Niger mu majonjora y'igikombe cy'Afurika cya 2019

Salah amaze gutsinda ibitego 37 mu mikino 60 amaze gukinira ikipe y'igihugu ya Misiri Uwufise ububasha kw’isanamu Reuters
Image caption Salah amaze gutsinda ibitego 37 mu mikino 60 amaze gukinira ikipe y'igihugu ya Misiri

Mohamed Salah yatsinze ibitego bibiri, atanga imipira ibiri yavuyemo ibitego ndetse anahusha penaliti ebyiri mu mukino wo ku wa gatandatu w'amajonjora y'igikombe cy'Afurika cy'ibihugu cyo mu mwaka utaha wa 2019 ikipe y'igihugu ya Misiri yanyagiyemo Niger ibitego 6-0.

Rutahizamu Salah unakinira ikipe ya Liverpool ntiyashoboye kwinjiza penaliti yateye ku munota wa mbere, ariko nyuma yaho ahita aha umupira Marwan Mohsen winjije igitego cya mbere cya Misiri.

Ayman Ashraf yinjije icya kabiri mbere yuko Salah penaliti ye yindi ikurwamo, ariko ubu bwo akongera agahita asubiza mu izamu umupira wari umaze kugarurwa n'umunyezamu wa Niger.

Salah yaje gushyiramo n'umutwe igitego cya gatanu cya Misiri, nyuma yo guha undi mupira wavuyemo igitego Salah Mohsen. Nuko Mohamed Elneny ukinira na Arsenal aza gushyiramo igitego cya gatandatu cya Misiri.

Salah yashoboraga no kuba yatsinze ibitego bitatu muri uyu mukino iyo Mohsen ataza kumuha umupira muremure ubwo yari imbere neza y'izamu rirangaye mbere gato yuko iminota isanzwe y'umukino irangira.

Yabaye intangiriro nziza ku mutoza mushya wa Misiri, Javier Aguirre ukomoka muri Mexique, wasimbuye Hector Cuper nyuma yaho Misiri isezerewe mu mikino y'igikombe cy'isi giheruka kubera mu Burusiya uyu mwaka.

Ibindi bisa n’ibi